«

»

Oct 25 2016

Print this Post

HEAT caravan gikalipay sa mga Maribocjanon

14560012_1806740102945326_2542719623512402118_o

GIKALIPAY kaayo ni Mayor Mer Arocha ug sa katawhan sa Maribojoc ang InSPIRED HEAT IT Bohol Caravan sa probinsiya nga gihimo sa ilang lungsod ning adlawa.

Nanguna si Gob. Edgar Chatto sa paghatud sa daghang kaayohan sa caravan nga gisalmotan sa mga buhatan sa kagamhanang probinsiyal, nasudnong ahensiya ug pribadong sektor.

Kadto maoy labing unang caravan sukad niasumir si Chatto niadtong Hulyo sa iyang ikatulo nga termino isip gobernador ug kini magpadayon hangtud nga malukop ang 47 ka mga lungsod sa lalawigan.

Sama sa naandan, gipahigayon atol sa caravan ang binuwan nga tigom sa Provincial Peace and Order Council (PPOC) pinangulohan gihapon sa gobernador.

Pinangunahan ni Provincial Director Felipe Natividad, gitaho sa PNP ngadto sa PPOC ang nagpadayong pagkunhod sa mga krimen sa Bohol samtang way paglugak ang kampanya kontra drugas.

Nisalmot sa caravan si Rep. Rene Relampagos kinsa giila sab nga mapuslanong lider sa Bohol.

Permanent link to this article: http://edcom.bohol.gov.ph/heat-caravan-gikalipay-sa-mga-maribocjanon/