«

»

Dec 28 2017

Print this Post

Gob. Chatto mopasidungog sa labing maayong anti-drug council sa Rizal Day

PASIDUNGGAN ni Gob. Edgar Chatto ang mga anti-drug abuse council sa lungsod ug barangay nga labing maayo sa pagpatuman sa community-based drug rehabilitation program atol sa Rizal Day, Desiyembre 30, Sabado.

Manguna ang gobernador sa paghandum sa Rizal Day sa Plaza Rizal, syudad sa Tagbilaran human sa misa sa Katedral ni San Jose nga dumalahon ni Tagbilaran Bishop Alberto Uy sa alas 7 sa buntag.

Sa samang higayon, ilusad ni Chatto ang Seal of Good Housekeeping Stickers o Drug Abuse-Free Home Stickers.

Uban sa gobernador sila si Acting Vice Gov. Venzencio Arcamo, DILG Provincial Director Loisella Lucino, PNP Provincial Director Felipe Natividad, PDEA-Bohol Chief Nicholas Gomez, ug Army Brigadier General Arnulfo Matanguihan.

Sentro ang gubat kontra’s druga kay ang paghandum ning tuiga sa kamatayon sa nasudnong bayani magtuyok sa temang “Maayong Pangisip, Yawe sa Kauswagan.” (Ven rebo Arigo)

Permanent link to this article: http://edcom.bohol.gov.ph/gob-chatto-mopasidungog-sa-labing-maayong-anti-drug-council-sa-rizal-day/