«

»

Aug 20 2017

Print this Post

DFA malaumon sa umaabot pang internasyonal nga tigom sa Bohol

MALAUMON ang Department of Foreign Affairs (DFA) nga duna pay mga internasyonal nga konperensiya sa Bohol human sa Asia Cooperation Dialogue

(ACD) nga gisalmotan sa 34 ka mga nasud sa niaging semana.

 

Pinaagi sa suwat, pormal nga nipahalipay ug nagpasalamat si DFA Usec. for International Economic Relations Manuel A. J. Tehankee kang Gob. Edgar Chatto sa malamposong ACD Conference on Energy.

 

Sumala ni Tehankee, tinuod nga gibati sa mga delegado ang tumang pag-abi-abi ug pag-atiman kanila sa kagamhanan ug katawhang Bol-anon.

 

Di pod matud niya malimtan ang talento sa kabataang Bol-anon nga nilingaw kanila ug ang mga liaison officers nga hilabihan kapropesyonal sa paggiya ug pagpahiluna sa mga delegado.

 

Espesyal nga gipasalamatan ni Teehankee ang liderato ug hiyas sa gobernador nga kanunay nilang nasinati sa matag adlaw sukad ug pagkatapos sa konperensiya.

Permanent link to this article: http://edcom.bohol.gov.ph/dfa-malaumon-sa-umaabot-pang-internasyonal-nga-tigom-sa-bohol/