«

Nov 15 2017

Print this Post

Chatto mipahalipay sa Boholanang kampeyon sa weightliftintg sa Asya

Untitled

GIPAHALIPAYAN ni Gob. Edgar Chatto ang 19 anyos nga babayeng Bol-anong gold medalist sa kampeyonato sa weightlifting sa Asya.

Personal nga nakigkita sa gobernador ganiha si Elien Rose Perez uban ang iyang coach nga si Samuel Alegada, kinsa sakop sa national weightlifting team kaniadto.

Usa si Perez sa mga Bol-anong gipasidunggan atol sa Pres. Carlos P. Garcia Day sa niaging Nobembre 4 apan wa siya katambong sa pagpresentar ni Chatto sa CPG Awards.

Nakuha ni Perez ang bulawang medalya sa Asian Cup ug Asian Inter-Club Weightlifting Championships sa South Korea niadtong Oktubre.

Estudyante siya sa criminology sa University of Bohol.

Tulo ka mga bronseng medalya ang nasakmit ni Perez sa Senior, Youth ug Junior Asian Championships sa Kathmandu, Nepal sa niaging tuig.

Si Perez nibisita kang Chatto sa balay mismo sa gobernador.

Permanent link to this article: http://edcom.bohol.gov.ph/chatto-mipahalipay-sa-boholanang-kampeyon-sa-weightliftintg-sa-asya/