«

»

Jul 18 2017

Print this Post

BEDAG: Maalamong plano, agresibong lihok alang sa kasaligan ug malungtarong kuryente

v

ANG Provincial Government of Bohol (PGBh), industriya sa enerhiya ug pribadong sektor naghimog sistematikong paagi sa pag-ugmad sa elektrisidad alang sa abunda, kasaligan, makasugakod ug malungtarong suplay sa kuryente.

Pinaagi sa Executive Order No. 13, Series of 2014, gimugna ni Gob. Edgar Chatto ang Bohol Energy Development Advisory Group (BEDAG) aron moalayon sa maong prayoridad.

Ang BEDAG maoy panag-alayon nga tubag sa lokal nga kagamhanan (kay ang gobernador maoy tsirman niini), nasudnong kagamhanan (ang kalihim sa Department of Energy ang ko-tsirman), electric utilities (Bohol Electric Cooperative o BOHECO I ug II ug Bohol Light Company, Inc. o BLCI) sa sektor sa distribusyon sa kuryente, ug National Grid Corp. of the Philippines o NGCP sa transmisyon sa elektrisidad.

Apil sa BEDAG ang pribadong sektor sama sa Bohol Chamber of Commerce and Industry (BCCI), konseho sa turismo sa Bohol, ug akademiya (Bohol Island State University o BISU, mga maalamong Bol-anon sa University of the Philippines o UP Advisory Council).

Ang ubang sakop sa BEDAG naglakip sa mayor sa syudad sa Tagbilaran, mga presidente sa Bohol sa League of Municipalities of the Philippines (LMP) ug Liga ng mga Barangay (LnB), hepe sa Provincial Planning and Development Office (PPDO), Provincial Legal Officer, ug mga representante sa mga nasudnong ahensiya sama sa National Economicc and Development Authority (NEDA) ug Department of Environment and Natural Resources (DENR).

Gimugna sa BEDAG ang usa ka Technical Working Group (TWG) nga nagrekomendar ngadto sa BEDAG sa mga polisiya, estratehiya ug aksyon nga kinahanglan alang sa epektibo ug episyente nga pagpatuman sa plano sa kaugmaran sa enerhiya.

Ang TWG gilangkob sa mga may kahibawong teknikal gikan sa industriya sa elektrisidad (BOHECO I ug II, BLCI, NGCP); mga representante sa akademiya (Holy Name University o HNU, University of Bohol o UB), Institute of Integrated Electrical Engineers (IIEE)-Bohol Chapter, civil society organization, consumer group, Bohol Tourism Council, Department of Interior and Local Government (DILG); mga natungdang buhatan sa PGBh; ug tsirman sa Committee on Public Utilities sa Sangguniang Panlalawigan (SP).

AGRESIBO SA DAGKONG KATUMANAN

Pinaagi sa BEDAG, namugna ang agresibong Bohol Island Power Development Plan (BIPDP). Naapil niini ang Cebu-Bohol interconnection nga kumpletohon sa NGCP sa 2020 ug pagtukod sa dakong planta sa elektrisidad sa sud mismo sa Bohol. Kon mahimo, mahuman ang interkoneksyon gikan sa Sugbo sa 2019. Ang Bohol island-based power plant makumpleto sa 2023 human sugdan sa 2019. Sa laing pagkasulti, ang duha ka dagkong proytekto magdungan sa katumanan!

Samtang humanon pa ang Cebu-Bohol interconnection, magpondo sa Bohol ang mga power barges aron dunay kuryente kon mokunhod o way suplay sa elektrisidad gikan sa Leyte tungod sa katalagman ug ubang hinungdan. Magsilbe sab kini nga mga reserba o standby generating facilities kon may regyular nga maintenance sa mga linya sa NGCP, BOHECO o BLCI—ug panahon sa kalamidad o emerhensiya. Sa paggamit sa power barge, ang “charged as used” policy maoy tamdon. Buot ipasabot niini nga ang kuryente lang nga nagamit maoy bayran.

“ONE BOHOL POWER”: TALAGSA-ONG TAKTIKA
PAGTUKOD SA DAKONG PLANTA SA KURYENTE

Sa laing bahin, way power developers o inbestor nga motukod og dagkong pasilidad dinhi kay wa pay mopalit sa ilang kuryente sa pagkakaron. Ngano? Kay ang mga power distribution utilities (DU)—BOHECO I ug II ug BLCI—aduna pay mga kontrata sa ilang mga power suppliers hangtud sa 2023.

Gumikan niini, ug pinaagi sa BEDAG, gimugna ang “One Bohol Power” nga gilangkob sa tulo ka mga DU aron mag-usa sila sa pagkumpra og kuryente gikan sa usa lang ka power provider inig hupas sa ilang tagsa-tagsa ka mga kontrata.
Gihipno karon sa TWG sa BEDAG ang kasabotan tali sa maong mga DU, ingon man ang Terms of Reference nga mogiya sa pagpatuman niini. Apil nini ang kondisyon nga ang modaug sa open bidding sa One Bohol Power aggregate power purchase/supply kinahanglang motukod mismo sa iyang dakong planta sa kuryente dinhi sa Bohol. ANG ADMINISTRASYON KARON MAO RA GYOY NAKAHUNAHUNA NING MAONG INISYATIBA ARON MAKAANGKON ANG BOHOL OG DAGKONG PASILIDAD SA ELEKTRISIDAD—SA SUD MISMO SA LALAWIGAN—ALANG SA RELIABLE, RESILIENT, SUSTAINABLE NGA TINUBDAN UG SUPLAY SA ELEKTRISIDAD.

DI LANG PLANO KAY NAGLIHUK NAS KATUMANAN

Ang kasabotan sa One Bohol Power tali sa tulo ka mga utilities gitakdang pirmahan sa Hulyo, 2017 ug ipublikar dayon ang imbitasyon ngadto sa daghan nang intresadonga mga power developers/investors ug power generation companies.
Human sa gikinahanglan pang mga proseso, ang aggregate power supply agreement lagdaan sa Abril, 2018.

Mosunod niini ang proseso sa approval sa Energy Regulatory Commission, hangtud nga masugdan sa sayong bahin sa 2019 ang konstruksyon sa mga dagkong pasilidad sa kuryente. Ang planta makumpleto sa di pa mohupas sa 2023 ang kasamtangang kontrata sa mga DU tali sa ilang mga power providers nga nagbasi sa gawas sa probinsiya. Ang bag-ong supplier—nga mao say motukod sa dakong planta dinhi—mosugod dayon sa pagsuplay og elektrisidad sa tulo ka mga utilities sa 2024.

MGA INSENTIBA NGA SAMOT NGA MODANI SA MGA INBESTOR

Aron samot nga madani ang mga power developers/investors, gipalapdan sa kagamhanan sa probinsiya ang Bohol Investment Code. Kini aron maapil ang enerhiya/elektrisidad sa mga investments nga makapahimus sa insentiba gikan sa lokal nga kagamhanan agig dugang sa mga insentibang gitanyag/gitugot sa kagamhanang nasyonal.

ANG BEDAG SUMALA SA DEPARTMENT OF ENERGY

Excerpt of Energy Sec. Alfonso Cusi’s Report, dated July 10, 2017, to Pres. Rodrigo Duterte on DOE Power Situation Update following the 6 July 2017 Earthquake in Leyte:

“13. The RDC for region VII will study the creation of a Committee for Power to address the power-related concerns of the region. The council will also prioritize measures related to resiliency, especially of power facilities.

“The Local Government Unit of Bohol’s practice of having a Power Advisory Board should be looked into as one of the best practices.”

DOE Usec. Felix William Fuentebella in an interview with ANC:

“The good thing about Bohol is that they have a power committee chaired by the Provincial Governor Ed Chatto and we are looking on how to give advice to the other provinces or other regional development councils on how to go about this.”

Permanent link to this article: http://edcom.bohol.gov.ph/bedag-maalamong-plano-agresibong-lihok-alang-sa-kasaligan-ug-malungtarong-kuryente/